Video
Predstavnica studenata Marija Marković kazala je da su dali rok od 15 dana da se njihovih šest zahtjeva riješi, prenosi Portal RTCG.
“Mi smo se trenutno fokusirali na kratkoročne zahtjeve. Prvi zahtjev se odnosi na formiranje komisije za provjeru kvaliteta menze i smještaja. Drugi zahtjev tiče se takođe menze, dakle zahtijevamo količinski veće obroke i kvalitetnije obroke”, kazala je Marković u emisiji “Mreža” na TVCG.
Istakla je da traže da kada dođu u menzu bilo to u 12 i u tri sata imaju jednako obimne obroke.
“Treći zahtjev se odnosi na dušeke u oba doma, zahtijevamo da se promijene. Četvrti odnosi se na preispitivanje Ugovora o privatno-javnom partnerstvu između Ministarstva prosvjete i hotela “Onogošt”, a peti zahtjev je da se formira uprave u studentskom domu hotela “Onogošt”.
Marković je kazala da zahtijevaju i da se nešto riješi povodom grijanja za sledeću sezonu.
“Dakle da dobijemo na papiru da je riješeno to sa grijanjem”, kazala je Marković.
Istakla je da nakon prvog protesta sa upravom hotela “Onogošt” nisu razgovarali.
“Ministarstvo prosvjete nas je pozvalo još prije prvog prostesta na razgovor i saslušani smo. U međuvremonu smo pozvani u Dekanat Filozofskog i Filološkog fakulteta, njima smo iznijeli porbleme i zahtjeve i gledamo zajedno da djelujemo i rješavamo probleme”, kazala je Marković.
Preporučeno
Kazala je da su dali rok 15 dana da se njihovi zahtjevi riješe.
