“U vremenu globalne pandemije, ekonomske krize i renesanse kleronacionalizma moramo biti jaki, složni i požrtvovani, čuvati naše stare, naše najbliže, pomoći jedni drugima i pomoći našoj državi kako bi što lakše, što brže i što bezbolnije prebrodili težak trenutak u kome se nalazimo”, iznosi Đurović

Predsjednik OO SDP-a Tivat, smatra da, bez obzira na težinu i ozbiljnost trenutne situacije ne smije se zaboraviti na žrtve predaka koji su branili Crnu Goru. Akcenat stavlja na antifašističku istoriju koja je branila, gradila i izgradila naše građansko multietničko društvo i omogućila da odrastemo i živimo u prelijepoj, slobodnoj i nezavisnoj Crnoj Gori.

“Budimo odgovorni prema sebi, prema svojim sugrađanima, svom gradu i svojoj državi jer to dugujemo ne samo njima nego i pokoljenjima koja dolaze.SDP će kao i u protekle tri decenije biti prva u odbrani interesa našeg grada i naše države, uz čvrstu uvjerenost da zajednički i složno možemo savladati sve izazove sa kojima se suočavamo”, zaključuje Đurović.