Video
Osumnjičeni napadač u Solingenu je uhvaćen, nešto prije 23 sata, a više od 24 časa pošto je nožem izvršio napad u tom gradu, piše Špigel.
Sirijac Isa al H. predao se policijskoj patroli u subotu uveče, prema informacijama Špigla. Odjeća mu je bila prljava i umrljana krvlju, rekli su izvori iz policije ovom listu.
Ministar unutrašnjih poslova Sjeverne Rajne-Vestfalije Herbert Reul (CDU) potvrdio je hapšenje nešto kasnije za ARD „Tagesthemen“.
U vezi sa pretresom u izbjegličkom smeštaju u Solingenu, Reul je rekao:
„Cio dan pratimo vruće tragove i mogu vam reći da smo prije samo nekoliko minuta uspješno završili ovu potragu“.
Prema informacijama Špigla, 26-godišnji Isa al H. rođen je u sirijskom gradu Deir al-Sor. U Njemačku je došao krajem decembra 2022. i podnio zahtjev za azil u Bilefeldu. Godinu dana kasnije dobio je takozvanu supsidijarnu zaštitu, koju često dobijaju izbjeglice iz zemalja zahvaćenih građanskim ratom. On je sunitski musliman.
Prema informacijama Špigla, on od ranije nije bio poznat bezbjednosnim vlastima kao islamistički ekstremista.
Preporučeno
Podsjećamo, tri osobe su ubijene, a osam je ranjeno u napadu nožem koji se dogodio u večernjim satima 23. avgusta na Festivalu diverziteta kojim se obilježava 650. godišnjica osnivanja grada Solingena.
