Video
Radnja prati agente sjevernokorejske i južnokorejske obavještajne službe koji se sukobljavaju u Vladivostoku tokom istrage graničnog incidenta.
Film odlikuju brze akcione scene, potjere i zimska atmosfera snimana u Letoniji, navodi Blic.
Režiser je Rjo Seung-van, poznat po akcionim hitovima kao što su “Veteran” i “Smugglers”, a u glavnim ulogama su: Zo In-sung, Park Jeong-min, Park Hae-jun i Shin Sae-kjeong.
Ekstremni uslovi snimanja
Iako je radnja smještena u Vladivostok (Rusija), film je sniman u Letoniji (ulice Rige) kako bi se vjerno dočarala hladna, zimska atmosfera.
Glumci su tokom snimanja u Letoniji sami sebi kuvali korejsku hranu kako bi pobijedili nostalgiju. Glavni glumac Zo In-sung otkrio je da je reditelj lično demonstrirao svaku kaskadersku akciju prije snimanja, što je šokiralo lokalnu ekipu u Letoniji.
Inače, film označava povratak glumice Shin Se-kyung na veliko platno nakon desetogodišnje pauze.
Ocjena kritičara: Neprekidna akcija
Kritičari ga opisuju kao dinamičan film sa “neprekidnom akcijom”.
Na sajtu Rotten Tomatoes trenutno drži visoke ocjene od preko 80%.
Film je dobio mješovite kritike, pri čemu se najviše hvali akcija, dok je suština filma u drugom planu.
Tako južnokorejski mediji, gdje je film prvo prikazan u bioskopima, navode:
“Prva polovina je neuobičajeno oprezna… ali film se veličanstveno pokreće i pretvara u neprekidnu akciju koja djeluje kao ljubavno pismo najboljim ostvarenjima Džona Vua.”
“Triler sa previše spektakla, ali premalo suštine… glumačke izvedbe održavaju radnju koja iz minuta u minut postaje sve nevjerovatnija”.
“Drugi sat donosi ono zbog čega je publika došla… Humint postaje neprekidna akciona sekvenca sa borbama koje se odvijaju na više lokacija istovremeno.”
Preporučeno
Na sajtu IMDb jedna kritika glasi: “Najbolji akcioni film koji sam ikada gledao. Nema nepotrebnih scena, priča je tečna i efikasna”.
