Video
“Početkom pretkrizne 2019. godine, prema podacima Monstata, cijena prosječnog metra kvadratnog stana u Podgorici iznosila je 1.209 eura. Prema toj cijeni, stan od 50m2 vrijedio je oko 60.000 eura. Za tu vrijednost stana, dug za kredit na period od 20 godina iznosio je oko 91.000 eura, sa mjesečnom ratom od 382 eura. Danas, uz realnu cijenu m2 od 1.700 eura, vrijednost tog stana porasla je na 85.000 eura. Uz očekivani i realni rast kamatne stope, iznos duga za kredit na 20 godina bio bi oko 151.000 eura, a mjesečni anuitet bi iznosio 630 eura”, naveo je Anđušić na društvenoj mreži X.
Kako je istakao, za istu nekretninu koja se kupuje danas, u odnosu na period od prije četiri god, uslijed rasta cijena nekretnina i kamatnih stopa, anuitet je veći čak 65 odsto.
Preporučeno
“Ovim zabrinjavajućim trendovima pogođene su mnoge kategorije društva (podstanari, mladi bračni parovi). Cijene rentiranja stanova su višestruko uvećane. Država mora sprovesti mjere kojima bi, makar privremeno, ublažila posljedice ovakvih trendova i pomogla ugroženim građanima”, kazao je Anđušić.
