”U javnosti se ponaša kao neko ko je u misiji među neukim narodom, ostavljajući utisak da vjeruje u to što govori. Inače ga krase raskošne svetosavske osobine – raspirivanje mračnjaštva i podrivanje ustavnoga poretka Srbiji suśednih država. U izjavama vezanim za Crnu Goru legitimisao se kao neprijatelj crnogorskoga imena. Za njega su beogradski špijuni u Crnoj Gori “narod” a veleizdajnička politika koju praktikuje cetinjska filijala beogradske patrijaršije “tradicionalna Crna Gora”. Legitimiše Crnu Goru Nikolinim pjesmama koje s nama i našim iskustvom nemaju veze”, kazao je Vučinić u izjavi za Standard.

Vučinić kaže još i da je Porfirija školovala beogradska politika koja ”oblajava sve crnogorsko”, pa se od njega ne može očekivati nikakvo dobro.

”Posebno je slab na Dražu Mihailovića koji je četništvu udahnuo svoja shvatanja o svijetu, ljudima i moralu pretavarajući ga u zločinačku i šovinističku organizaciju zbog čega i jeste zločinac. Javno je nastupao u korist poraženih ideologija iz Drugoga svjetskoga rata. Pokušao je da dokaže da se ličnost Draža ne prikazuje u onom liku koji je adekvatna slika njegove bitnosti, a ona je bila zločinačka”, poručuje Vučinić.

Ističe da je, više puta, javno i tajno, riječima i djelom promovisao Mihailovića kao nacionalnoga heroja.

”Očito da prema fašističkim i šovinističkim idejama ima afirmativan stav. Poslovična je zaljubljenost popova u feudalnu prošlost. Pa je očekivati da će se zalagati za uspostavljanje velikosrpske diktature u Crnoj Gori i indokriniciju omladine svetosavljem. S ruke će mu biti i vlast tako da se dobru ne nadamo, ali smo mu naredni”, zaključio je Vučinić.