Video
Manifestacija „Novogodišnje dječije maštarije” i ove godine je održana u Podgorici u tržnom centru City Mall pod organizacijom Elmag radija i Oki Air Broadcastinga, u okviru kojeg posluje i Mag radio.
Preporučeno
Događaj se ove godine održao pod sloganom “Za svu našu djecu”. Manifestacija je okupila veliki broj mališana i njihovih roditelja koji su uživali u bogatom i raznovrsnom zabavnom programu, koji je imao i humanitarni karakter.
Puno radosti, poklona, igre, plesa, zabave obilježilo je dvosatno druženje djece sa animatorima i gostima. Uz voditelja i animatora Igora Šukovića sa kojim su djeca igrala i pjevala, mališani su se veselili, kao i uz predstavu Davora Dragojevića i Žarka Žabca, i zabavne igre koje su osmislili za njih.
Dobro raspoloženje širilo se se uz nastupe djece iz vrtića “Čarli Čaplin” i “Kockica“, plesne grupe “Matrix”, KUD-a “Crvena stijena”, soliste Jovana Aleksića, a za zabavne igre i takmičenja pobrinuli su se animatori. Zahvljujići prijateljima manifestacije, S Press plus-u i Cosmetics marketima, koji su se uz organizatore potrudili da pripreme što ljepše i bogatije poklone, i tako obraduju djecu i roditelje, svi mališani su dobili neki od darova.
