Video
Riječ je o filmu “Pjevanje na kiši”, najboljem mjuziklu svih vremena, snimljenom 1952, u režiji Džina Kelija i Stenlija Donena. Džin Keli tumači i jednu od glavnih uloga zajedno s Donaldom O’Konorom, Debi Renolds, Žan Hagen i Milardom Mičelom.
“Don Lokvud (Dž. Keli) i Lina Lamon (Žan Hagen) najpoznatiji su glumački ljubavni par nijemih filmova. Publika ih obožava, a Lina je uvjerena i da su srećno zaljubljeni.
U stvarnosti se, međutim, Don zaljubi u skromnu plesačicu Kejti Seldon (D. Renolds) koja mu već prve večeri opasno poljulja samopouzdanje svojim komentarima o njegovoj glumi. Kada se pojave zvučni filmovi, glumački par je prisiljen mijenjati način glume i pohađati časove govora.
Preporučeno
Don se snalazi mnogo bolje od Line koja se sa svojim izrazito piskutavim glasom, lošim naglaskom i razmaženim ponašanjem jednostavno više ne uklapa u nove zahtjeve. Donov prijatelj Kozmo Braun (D. O’Konor) dolazi na ideju da umjesto običnog filma naprave mjuzikl u kojem će svoj glas Lini pozajmiti Kejti. Film postiže veliki uspjeh i ispostavlja se da je njegova prava zvijezda Kejti”, dio je opisa filma.
