Sportski ribolovac Senad Mahmutović(49) iz Bijelog Polja u protekla dva dana u Limu je ulovio tri mrene. 

Prva je bila teška pet kilograma, druga četiri, a treća pet i po!

Iskusni Senad za portal Kodex kaže da se ribolovom bavi od malena, a ovaj ulov izvadio je u bjelopoljskom mjestu Strojtanica.

“Iako sam ribolovac dugi niz godina, rijetko se dešava da se ulove ovako kapitalni primjerci“, kaže Senad za kodex.me.

Senad je ove mrene, kaže, ulovio na algu.

Mrena inače ima tijelo vretenastog oblika sa naglašenim i jakim perajima. Raste do težine od 10 kilograma mada se takvi primjerci nijesu vidjeli već duže vrijeme. Najčešće se viđaju primjerci od 500 grama do jednog kilograma, a primjerci od 5 kilograma kao što je ovaj koji je Senad izvadio, smatraju se kapitalnim ulovima.

Životni vijek mrene je 9 godina.

Mrena se može loviti preko cijele godine dok je s jeseni udarni termin. Najviše se zadržava u srednjem toku rijeke, na pjeskovitom i šljunkovitom dnu.