Video
Širom Hrvatske jutros je počela velika akcija razbijanja kriminalne grupe koja se bavila izradom dokumenata za neke od najopasnijih kriminalnih grupacija u Europi. Kako saznaje Jutarnji.hr uhapšeno je oko 30 osoba, na području Zagreba, Karlovca, Zadra i drugih gradova.
Sumnja se da su pripadnici ove grupe iz Hrvatske nabavljali i izrađivali originalne pasoše za pripadnike Škaljarskog i Kavačkog klana, kao i Zemunskog klana.
Kako navodi Hrvatski list, riječ je o grupacijama sa kojima se povezuje više desetina mafijaških likvidacija na nekoliko kontinenata.
Akciju su, kako se navodi, policija i hrvatsko državno tužilaštvo planirali oko godinu dana, da bi jutros krenuli u sinhronizovana hapšenja osoba, od koje se neke smatraju opasnim.
Jutarnji navodi i da policija sumnjiči da je glavni šef grupe N.S. (49) koji je jutros uhapšen na području Kozari boka. Kako javlja Dnevnik.hr, u pitanju je Nusret Seferović, predsjednik Vijeća romskih udruženja Hrvatske.
Preporučeno
Nezvanično, u akciji je uhapšeno i nekoliko policajaca za koje se sumnja da su pripadnicima grupe iz policijskog informativnoga sistema odavali podatke o identitetima hrvatskih građana koji bi bili pogodni da se na njihovo ime izrađuju lažni hrvatska dokumenta.
