Ministarska plata Milatovića iznosi 1.151 eura.

Međutim, njegov najveći dio primanja činila je osnovna plata i bonus za dio decembra iz EBRD-a, gdje je radio i to je 4.403 eura. Pored toga, zarađuje i 380 eura mjesečno od izdavanja stana.
Kada se sve sabere, ministar ekonomskog razvoja tokom prethodnog mjeseca zaradio je skoro 6.000 eura.

Prije nego što je postao ministar, osnovna plata u EBRD mu je bila oko 6.800 eura.

Vlasnik dva stana i jednog automobila

Milatović je 100 procentni vlasnik stana od 46 metara kvadratnih, dok sa suprugom Milenom Milatović stana dijeli vlasništvo nad stanom od 68 metara kvadratnih. Navedena imovina je stečena kupovinom.

Milatovićeva supruga Milena prema podacima ASK-a prethodni mjesec zaradila 908,99 eura.

Ministar je vlasnik automobile marke “reno megan” iz 2012. godine.

Milatović ima penzioni fond vrijedan 85.000 eura a na tekućem računu malo više od 7.000 eura, dok supruga na računu ima nepunih 3.100 eura.

Ministar Milatović takođe ima i stambeni kredit u vrijednosti od 75.000 eura, koji vraća nepune dvije godine u ratama od 452 eura.

Od tog kredita ostalo mu je još da vrati 25.000 eura.

Prema izvještaju ASK-a, saglasnost o pristupu podacima na računima bankarskih i drugih finansijskih institucija, ministar Milatović nije dao.