“Političke, vjerske, nacionalne ili bilo koje druge razlike nikako ne bi smijele biti povod za širenje govora mržnje, a naročito ne prema ženama, majkama, ćerkama, bakama, koje su oduvijek imale značajnu ulogu u crnogorskom društvu i njegovom razvoju. Mizoginiji prosto ne smije biti mjesta na našoj javnoj sceni”, poručila je Vuković.

Sloboda govora se, po njenim riječima, završava tamo gdje počinje da ugrožava drugoga.

“Zato pozivam sve građanke i građane da javni prostor ne koriste na način koji nije primjeren ni mnogo nerazvijenim državama. Naše društvo uz sve razlike mora njegovati kulturu dijaloga i poštovanja prema drugima i drugačijima kako bi išlo naprijed”, zaključila je ona.