SD Berane: Problem otpada, nakon brojnih obećanja, i dalje neriješen

“Pa ipak, ne smijemo ostati nijemi na okolnost da ovaj problem, sada već decenijama i dalje opterećuje građane Berana. Budući da se približava izborna kampanja skloni smo da vjerujemo da će rješavanje ovog pitanja ponovo postati jedno od predizbornih obećanja lokalne samouprave.

I sigurni smo, da će nas kao i svaki put do sada, uvjerljivo ubjeđivati da će isto konačno biti riješeno. Vrlo će biti zanimljivo slušati iracionalna obećanja o boljem životu, upućena građanima, pritom uzevši u obzir notornu činjenicu da jedan (od mnogih) banalan problem poput iznalaženja adekvatnog mjesta za odlaganje otpada, nije mogao biti riješen toliko dugo vremena”, navode u saopštenju.

Kako ne bi, kako kažu, ostavljali prostor da ih odgovorni demantuju, medijima su dostavili i fotografije.