Video
Furiozno je domaćin otvorio meč, pa je nakon 20 minuta imao dva gola prednosti.
Oba gola dao je Tijago, prvo u osmom minutu kada je nakon jedne duge lopte pobjegao Megvajeru i poslao loptu u rašlje.
U 2o. minutu, Tijago je dobro pratio akciju svog tima i odbitak smjestio u mrežu.
Šest minuta kasnije Junajted je odgovorio – Šeško je iz trećeg pokušaja poslao loptu u mrežu. Bio je to prvijenac Slovenca u dresu “đavola”.
To je bio rezultat prvog dijela, da bi u nastavku Brentford imao dobru priliku preko Uatare. Na drugoj strani, gosti su jalovo napadali sve do 72. minuta.
Tada je Kolins oborio Mbeuma u svom kaznenom prostoru, a odgovornost je preuzeo kapiten Fernandes. Udarac Portugalca sa 11 metara, međutim, pročitao je Kereher.
Junajted je do kraja učinio sve da dođe makar do boda, ali je domaćin odbio sve napade, a onda u petom minutu nadoknade otklonio sve dileme.
Jensen je silovitim udarcem sa ivice kaznenog prostora “pocijepao” mrežu i postavio konačan rezultat.
Junajted je nakon ovog poraza 13. sa sedam bodova, koliko ima i Brentford.
