Aktuelni šampion NBA lige pokazao je svu svoju moć i u okršaju sa direktnim konkurentom za prvo mjestu na Zapadau. “Ratnici” su sinoć na svom terenu savladali Denver (116:102) i osigurali pol poziciju pred doigravanje.

Voriorse su do 53 pobjede u sezoni vodili Demarkus Kazins s 28 poena i 13 skokova, Kevin Durant sa 21 poenom, 16 je dodao Stefon Kari, a 13 Klej Tompson. Na drugoj strani Džamal Mari je sa 17 koševa bio najefikasniji, dok je Pol Milsap ubaio 11. Nikola Jokić nije imao svoju noć, pa je za 28 minuta ubacio deset koševa.

A, Rasel Vestbruk je još jednom pokazao zašto je jedan od najdominantnijih košarkaša u najjačoj ligi na svijetu. Pobjeda Oklahome protiv LA Lejkersa, te plasman u plej-of pada u drugi plan nakon briljantne partije Rasa. On je uspio da stigne do dabl tripl-dabla i postao je prvi igrač kojem je to pošlo za rukom još od Vilta Čemberlejna koji je to upisao u februaru daleke 1968. Vestbruk je meč završio sa 20 poena, 20 skokova i 21 asistenciju.

“Ovo nema veze sa mnom, čovječe, ovo je za mog brata Hipsija Hasla“, poručio je uzbuđeni Vestbruk odmah poslije meča, koji je pobjedu i čudesni učinak posvetio nastradalom prijatelju i poznatom reperu.

 

SEMAFOR

Oklahoma – Los Anđeles Lejkers 119:103

San Antonio – Atlanta 117:111

Sakramento – Hjuston 105:130

Golden Stejt – Denver 116:102

ISTOČNA KONFERENCIJA

ZAPADNA KONFERENCIJA