
Neće Danijele De Rosi po dobrom pamtiti debi u novom klubu. Boka juniors je sinoć ispala u Kupu od drugoligaša Almagra nakon penala.
Preporučeno
Sve je počelo idealno za Italijana i argentinski slavni klub. Nakon kornera u 27. minutu iskusni vezni fudbaler zatresao je mrežu glavom za oduševljenje navijača.
Da će ovo biti košmarna noć za Boku nagovijestio je napadač Huan Martinez koji je izjednačio u 81. minutu. Nakon 1:1 u regularnom dijelu krenuli su penali, a samo je Karlos Tevez pogodio za Boku.
Penale su redom promašili Mekalister, Urtado kao i novajlija iz Benfike Eduardo Salvio, pa je Boka na kraju ipak zasluženo ispala već u drugoj rundi nacionalnog kupa.












