Video
“Čestitam igračima na pobjedi, to nam je bio cilj i zadatak. Zadar igra vrlo nezgodnu košarku za nas, trebalo nam je vremena da ga napadnemo i odbranimo se kako smo željeli. To smo odradili u posljednjoj četvrtini onako kako bismo morali, ali trebalo bi da smo još bolji. Vidi se umor od puta iz Grčke, ali to ne smije da bude izgovor”, istakao je Andrej Žakelj.
On, međutim, upozorava da Budućnost može i mora da igra bolje.
“Za sljedeće utakmice koje su nam vrlo bitne u Evrokupu i ABA ligi moraćemo mnogo čvršće, fokusiranije i agresivnije. Drago mi je zbog pobjede i reakcije, čestitke Zadru na dobroj utakmici”, zaključio je Žakelj.
Trener Zadra Danijel Jusup je naglasio da je Budućnost pokazala da je sjajna ekipa i da se protiv nje ne može lako i brzo vratiti iz minusa.
Preporučeno
“Tok utakmice je odredio početak, primili smo trojku u posljednjoj sekundi i oni su poveli 13:0, a od tog šoka se nismo oporavili. Imali smo šansu, ali smo žurili u napadu, htjeli da stignemo protivnika u dva minuta. Budućnost nije ekipa koja takvu prednost lako ispušta, u toj brzopletosti nismo iskoristili prilike. Imali smo 21 izgubljenu i tri osvojene lopte, znači sve ‘ničije’ su bile njihove. To baš ‘bode’ oči. Vjerovatno je to posljedica umora, jer nam je ovo četvrta utakmica u sedam dana”, poručio je Jusup.
