Video
Nijesam se saglasio sa dolaskom predsjednika Crne Gore Mila Đukanovića u posjetu Bosni i Hercegovini, kazao je član Predsjedništva BiH, Milorad Dodik.
Danas je u 14 sati održana sjednica državnog Predsjedništva kojoj su prisustvovali predsjedavajući Željko Komšić, te članovi Milorad Dodik i Šefik Džaferović.
Nakon sjednice Dodik se obratio novinarima.
Član Predsjedništva Bosne i Hercegovine iz reda srpskog naroda kazao je da se nijesu doticali “problematičnih” tema, ali je dodao da nije dao saglasnost za dolazak crnogorskog predsjednika Mila Đukanovića u službenu posjetu BiH, kako je kazao, imajući u vidu trenutnu situaciju u Crnoj Gori.
Dodik je reagovao na najavu predsjednika SDS-a Mirka Šarovića koji je najavio zakazivanje hitne sjednice Narodne skupštine Republike Srpske.
Šarović je kazao kako je Dodik priznao da je BiH u MAP-u što je “izdaja RS-a”.
Dodik je odgovorio da nema ništa protiv sazivanja sjednice, prenosi N1
Preporučeno
“Mi se ne možemo povući iz MAP-a, ali nema ono što je potrebno za aktiviranje članstva u NATO, a to je Godišnji nacionalni program (ANP). I Plan reformi nije to. Šta da objašnjavam Mirku Šaroviću? Nemam ništa protiv da se zakaže sjednica NSRS-a. Ovo je samo još jedan pokušaj Šarovića da dobije novi mandat u Sarajevu kako bi nastavio izdaju Republike Srpske”, zaključio je član Predsjedništva Bosne i Hercegovine.
