Video
Predsjednik Rusije Vladimir Putin obećao je da će otvoriti centar za arhivske dokumente o Drugom svjetskom ratu, kojim će, kako je rekao, “zatvoriti prljava usta pojedinim liderima”.
“Zatvorićemo prljava usta koja neki lideri otvaraju preko brda kako bi postigli neposredne političke ciljeve. Zapušićemo usta istinitim informacijama”, rekao je Putin na sastanku s veteranima Drugog Svjetskog Rata. Ova najava je uslijedila nakon što je premijer Poljske Mateuš Moravjecki optužio Putina da prekraja istoriju, dodavši da je Moskva zajedno sa nacističkom Njemačkom započela Drugi Svjestki Rat.
Putin je, sa druge strane, naveo primjer Izraela, koji ne dozvoljava da se zaboravi holokaust i podsjetio da će narednih dana posjetiti Izrael na otkrivanju spomenika žrtvama blokade Lenjingrada, prenose ruski mediji.
“To je važan događaj. On podsjeća na žrtve Drugog svjetskog rata i na one koji su dali odlučujući doprinos u porazu nacista. Jevrejske društvene organizacije i rukovodstvo Izraela vrlo pametno rade, ne dajući da svijet zaboravi žrtve holokausta. Nažalost, među žrtvama holokausta je značajan broj Jevreja iz Sovjetskog saveza, ruskog naroda”, dodao je Putin, naglasivši da je najveće gubitke u Drugom svjetskom ratu podnijela Rusija.
Preporučeno
On je rekao da će zbog toga Rusija formirati centar za arhivsku dokumentaciju, koji će biti otvoren i za ruske građane i za cijeli svijet.
