Supruga Menga Hongveija, čelnika Interpola koji je u zatvoru u Kini od septembra prošle godine, zatražila je azil u Francuskoj za sebe i svoju djecu, objavio je danas BBC.

Grejs Meng i sedmogodišnji blizanci žive u Lionu u kojem je sjedište međunarodne policijske agencije. Pod policijskom su zaštitom, jer su primili prijetnje, piše BBC.

Prema francuskom radiju Inter rekla je:

“Strahujem da će nas oteti. Primila sam čudne telefonske pozive. Automobil mi je oštećen. Dvoje Kineza, muškarac i žena, pratili su me do hotela”, rekla je Meng koja u intervjuima odbija da pokaže lice, u strahu za svoju sigurnost.

Meng (64) je nestao u septembru tokom posjeta Kini.

Interpol je 7. novembra objavio da je dao ostavku na dužnost šefa Interpola, a dan poslije kinesko Ministarstvo javne sigurnosti objavilo je da je pod istragom zbog sumnje primanja mita.

Nakon nestanka nije se znalo gdje je, a francuska policija pokrenula je istragu pošto je njegova žena u Lionu prijavila nestanak.

Preporučeno

NAKON PISANJA STANDARDA: Uprava policije IPAK otkrila koliko će policajaca biti angažovano na Samitu u Tivtu

POLICIJA POTVRDILA PISANJE STANDARDA: Krivična prijava zbog sječe 865 kubika šume na Jelovici, ali ključni akteri i dalje “nepoznati”

Vozilo CEDIS-a završilo u svoj kanal

Kaća Bulatović: Moja slika u kući IHF-a stoji kao simbol rukometa, a institucije u Crnoj Gori zaboravile su da postojim

JANOVIĆ ZA STANDARD: Dajem podršku dijalogu, političare na razgovor ne bi smjeli da podsjećaju međunarodni faktori

Preminula Sejda Bešlić, osam mjeseci nakon smrti supruga Halida

Meng, izabran krajem 2016. na čelo Interpola, jedan je od visokih kineskih zvaničnika, uhapšen je u sklopu antikorupcijske kampanje predsjednika Si Đingpinga koja traje od njegovog dolaska na vlast 2012.