Video
Apelacioni sud Devetog okruga SAD potvrdio je presudu nižeg suda da akvizicija Activision Blizzard-a od strane kompanije Microsoft nije prekršila antimonopolske zakone.
Federalna trgovinska komisija (FTC) je podnijela tužbu kako bi blokirala spajanje ovih velikih brendova u gejming sektoru, tvrdeći da bi novi entitet prekršio antimonopolske zakone.
U presudi, koja je nedavno objavljena, FTC nije uspjeo da dokaže da bi Microsoft blokirao pristup popularnim igrama kao što je Call of Duty na hardveru u vlasništvu drugih gejming brendova. Apelacioni sud, takođe, nije bio pokoleban argumentima FTC-a da bi sporazum smanjio konkurenciju u uslugama pretplate na igre i striming u oblaku (cloud).
Pitanje naslova, koji bi bili ekskluzivni za određenu platformu, bilo je jedno od osnovnih načela najnovije tužbe FTC-a protiv ove akvizicije. Međutim, mišljenje koje je napisao sudija Danijel P. Kolins sugeriše da su se ,,svi veliki proizvođači bavili ovom praksom”. A kako Microsoft sve više svojih nekada ekskluzivnih naslova čini dostupnim na novom hardveru, to bi moglo da znači da će agencija za zaštitu konkurencije konačno prihvatiti akviziciju kao konačnu.
Preporučeno
Ugovor vrijedan 68,7 milijardi dolara za kupovinu kompanije Activision Blizzard od strane Mirosofta zaključen je u oktobru 2023. godine, ali se akvizicija suočila sa višestrukim izazovima od strane Federalne trgovinske komisije (FTC) u različitim fazama procesa. U stvari, ovo nije prvi put da je Deveti okružni sud odbacio napore agencije da blokira spajanje. Agencija za zaštitu konkurencije je takođe upozorila na moguća brojna otpuštanja nakon zaključenja akvizicije.
