Video
“Razlika između stila i mode je kvalitet.” Đorđo Armani
Ko je Đorđo Armani?
Đorđo Armani je legendarni dizajner odjeće koji je proširio svoje carstvo na restorane i hotele. Njegova popularnost je naglo porasla u Americi 1980-ih kada su se njegova muška “moćna odijela” – “power suits” često pojavljivala u televizijskoj seriji Miami Vice i u filmu American Gigolo iz 1980. godine, u kojem je glumio Ričard Gir u Armanijevoj prepoznatljivoj odjeći.
Život i karijera
Nakon odsluženja vojnog roka, Armani je napustio univerzitet i otišao da radi u La Rinascente, poznatu robnu kući u Milanu. Zatim se pridružio osoblju Nino Cerruti kao dizajner. Uz ohrabrenje svog prijatelja Serđa Galeotija, Armani je počeo da se bavi slobodnim dizajnom i za druge kompanije. Armani i Galeoti su postali poslovni partneri koji su osnovali Giorgio Armani S.p.A. U julu 1975. izašla je prva kolekcija ove kompanije — linija muške odjeće. Armani je godinu kasnije lansirao žensku kolekciju, koja je naišla na topao prijem. Njegova odjeća je bila revolucionarna u to vrijeme, uvodeći prirodnije krojenje i koristeći suptilnu paletu boja.
Nakon Ričarda Gira, brzo su mnoge vrhunske holivudske zvijezde počele da nose Armani na crvenom tepihu, uključujući Mišel Fajfer, Džodi Foster i Džona Travoltu, između ostalih. Tada je nošenje Armanija postalo simbol uspjeha za mnoge poslovne profesionalce. Najviše su se tražila i nosila “močna odijela” – “power suits”. Sa ovom velikom potražnjom, Armani i Galeotti su uspjeli da unaprijede posao, otvarajući Armani prodavnice u Milanu. Armani je, nažalost, pretrpio veliki lični i profesionalni gubitak 1985. godine kada je izgubio dugogodišnjeg prijatelja i poslovnog partnera Galeotija zbog side. Dok su neki mislili da bi posao mogao propasti nakon Galeotijeve smrti, Armani je pokazao da je podjednako talentovan kao izvršni direktor kao i kao dizajner.
Preporučeno
Armani je proširio svoje poslovanje otvaranjem svog prvog restorana 1989.godine.
