Belgijska manekenka koju je pritvorila policija u Egiptu jer je pozirala naga ispred drevnih hramova učinila je nešto slično kraj Zida plača u Jerusalimu za izložbu koja je nedavno otvorena u njenoj zemlji.
Preporučeno
Fotografija Marize Papen (26) na kojoj se vidi kako se sunča naga na terasi neke privatne kuće s pogledom na trg ispred Zida plača je na prodaji u jednoj galeriji u belgijskom ljetovalištu Knoke (Knokke), objavili su belgijski mediji.
Manekenka se opružila na plastičnoj stolici zatvorenih očiju, a u pozadini se vidi ženski dio Zida plača, najsvetijeg mesta na kome Jevreji mogu da se mole.
https://twitter.com/beat_lowensberg/status/1012333310389956608
Potpis pod fotografijom je “Put do oslobođenja”, ali na njoj se ne vidi ni jedan dio džamije al-Akse, treće po značaju u islamu, koja se nalazi iznad trga i fotograf je sigurno mogao da je uoči, navodi Jevrejska telegrafska agencija (JTA).
Međutim, fotograf Matijas Lembreht je to porekao, tvrdeći da se džamija nije vidjela i da nije isječena.
Na pozivu za otvaranje izložbe je fotografija iste manekenke na kojoj se vidi da je opkoračila jarbol s izraelskom zastavom. Papen je u Egiptu u septembru prošle godine bila zatvorena 24 sata jer je pozirala naga u Luksoru.
Fondacija za nasleđe Zapadnog zida je u saopštenju ocijenila da je izložena fotografija ozbiljan incident, a rabin zadužen za Zid plača Šmuel Rabinovič ga je označio nesrećnim i neugodnim, ocijenivši da vrijeđa one koji se mole na tom svetom mjestu.
Video