Video
Povremeno uživanje u alkoholnom piću dio je društvenog života mnogih ljudi, ali često nijesmo svjesni koliko kalorija unosimo kroz nekoliko običnih pića.
Mnogi kokteli i druga alkoholna pića su puni dodatog šećera, što znači da imaju visok sadržaj „praznih“ kalorija – onih koje nude malo ili nimalo hranljive vrijednosti, prenosi 24sata.hr.
Takođe, redovna konzumacija visokokaloričnih alkoholnih pića bogatih šećerom može doprinjeti zdravstvenim problemima kao što su povećanje telesne težine, gojaznost, dijabetes tipa 2 i srčana oboljenja.
Na primjer, čaša alkoholnog koktela Margarita od 240 ml ima 455 kcal. To je kao jedan cio obrok.
Vodka soda (oko 80-100 kcal)
Klasik među niskokaloričnim napicima. Kombinacija votke (oko 45 ml) i gazirane vode (soda vode) gotovo da nema kalorija osim onih iz same votke.
Dodavanje svježe cijeđenog soka od limuna ili limete pruža osvježavajući ukus bez dodavanja značajnih kalorija. Jednostavno, čisto i osvežavajuće piće.
Špricer (oko 75-90 kcal)
Odlična opcija ukoliko želite piće sa manje alkohola i kalorija. Priprema se miješanjem bijelog vina (preporučuju se aromatične sorte poput Sovinjon Blan, Rizling ili Pino Griđo) i mineralne vode, obično u odnosu 1:2 ili 1:3 u korist vina.
Standardna čaša od oko 150 ml sadrži približno 75-90 kalorija, u zavisnosti od količine vina.
Određena žestoka pića (oko 100-120 kcal po porciji)
Džin, rum, tekila, votka ili viski sadrže približno 100-120 kalorija po standardnoj mjeri (45 ml). Kalorije dolaze isključivo iz alkohola, jer ova pića nemaju ugljene hidrate ni šećer (osim nekih aromatizovanih verzija).
Najbolji način da ih uživate sa minimalnim kalorijama je da ih pijete „čiste“, sa ledom ili pomiješane sa niskokaloričnim bezalkoholnim pićima poput gazirane vode.
Proseko (oko 120-130 kcal)
Italijansko pjenušavo vino, Proseko, je odličan izbor za proslave. Čaša od oko 180 ml sadrži približno 128 kalorija.
Osvježavajuće, lagano i voćno, idealno je za sporo ispijanje. Mehurići mogu doprinijeti osjećaju sitosti, što može usporiti tempo pijenja.
Vodka Martini (oko 120 kcal)
Klasični votka martini, napravljen od votke (45 ml) i suvog vermuta (10 ml), sadrži oko 120 kalorija.
Tekila sa limetom (oko 100-130 kcal)
Čašica tekile (45-60 ml) sa ledom i svježe cijeđenim sokom od limete (ili pomorandže) ima oko 100-130 kalorija.
Preporučeno
Pruža lijep balans zemljanih, slatkih i kiselih ukusa. Idealno za sporo pijenje.
