Video
Jedna od najtraženijih manekenki današnjice, sestra Bele Hadid, Điđi Hadid svojevremeno je otkrila da boluje od teške autoimune bolesti štitne žlijezde.
Naime, Điđi ima Hašimoto sindrom, koji podrazumijeva da tijelo napada antitelima štitnu žlijezdu misleći da je “uljez” u organizmu, što za posljedicu ima poremećaj lučenja hormona štitne žlijezde, koje može biti sniženo ili povišeno.
Supermodel je u jednom intervjuu otkrila da se, iako uspjeva da odradi sve modne angažmane, njeno tijelo promijenilo i da se ne osjeća isto kao nekada.
“Metabolizam mi se drastično promijenio. Bolujem od Hašimoto sindroma, poremećaja koji napada imunosistem i štitnu žlijezdu. Svi oni koje zanima zašto mi se tijelo toliko promijenilo, treba da znaju da mi u 17. godini, kada sam počela da radim revije, bolest još nije bila otkrivena”, rekla je Điđi.
Takođe, manekenka se svakodnevno susreće sa negativnim komentarima na račun kilaže, za koju smatraju da je mala i da je to čini premršavom, ali se ne obazire previše na to.
“Možda sam za vas premršava, ni ja ne želim da budem ovoliko mršava, ali se osjećam zdravije. Neću više da objašnjavam svoj izgled, kao što to ne mora niko čiji izgled ne odgovara vašim standardima ljepote”, poručila je ona.
Preporučeno
Izvor: Blic
