Video
Kuvar Džejmi Oliver obožava italijansku kuhinju, a špagete pripremljene na ovaj način poslužuje uz hrskavu pohovanu piletinu.
Sastojci:
2 čena bijelog luka
Svježi bosiljak
Maslinovo ulje
400 grama pelata
300 grama pilećih prsa
100 grama brašna
2 velika jaja
100 grama hljebnih mrvica
30 grama parmezana
150 grama špageta
Priprema:
Ogulite bojeli luk i nasjeckajte ga. Skinite listove bosiljka, a peteljke sitno nasjeckajte. U tiganju zagrijte malo ulja, dodajte beli luk i peteljke bosiljka. Miješajte dva minuta, dok bijeli luk ne poprimi zlatnu boju. Dodajte pelat paradajz u tiganj i zgnječite drvenom kašikom. U konzervu pelata ulijte vodu i prelijte u tiganj.
Začinite i pustite da krčka pola sata, dok ne postane gusto.
Pileća prsa istucite čekićem za meso na debljinu od 5 milimetara. Pripremite tri male posudice, a u prvoj umutite dva jaja, u drugu dodajte brašno, a u treću hljebne mrvice i parmezan.
Piletinu najprije umočite u brašno, potom u jaja, a na kraju u smjesu parmezana i mrvica. U drugom tiganju zagrijte maslinovo ulje i pecite piletinu 3 – 4 minuta sa svake strane.
Preporučeno
Skuvajte špagete prema uputstvima na pakovnju, procijedite ih i ubacite u sos od paradajza. Po potrebi u sos dodajte i malo vode od kuvanja. Servirajte piletinu sa špagetima i listovima bosiljka.
