ZASLADITE SE prije dijete: Profiteroli s kremom od vanile

Znamo da još nijeste krenuli da vježbate, pa vam zato i donosimo ovaj vrhunski recept za slatkiđ, koji vam može poslužiti kao “zadnje” obećanje da poslije njega idete na trening… Ili ipak ne? 

Sastojci za tijesto:

So,
100 g margarina,
150 g glatkog brašna,
4 jaja,
250 ml mlijeka.

Krem:
3 žumanca,
150 g šećera,
40 g glatkog brašna,
500 ml mlijeka,
70 g maslaca,
10 g vanilin šećera.

Čokoladna glazura:
100 g čokolade za kuhanje,
2 kašike kisjelog mlijeka,
listići badema.

Priprema:

Zakuvajte mlijeko sa solju pa dodajte margarin. Kada se otopi, postepeno dodajte miješajući brašno i kuhajte dok se ne zgusne. Ostavite neka se hladi i u mlaku smjesu umiješajte jedno po jedno jaje.

Na namašćeni pleh za pečenje stavite kašikom u većim razmacima hrpice tijesta i pecite na 210 stepeni oko 15 minuta. Pustite ih da se ohlade.

Za kremu pjenasto umiješajte žumanca sa šećerom, dodajte brašno i vanilin šećer, promiješajte te zalijte vrelim mlijekom. Kratko kuhajte kremu na pari. Nakon što se ohladi, umiješajte pjenasto izmiješani maslac. Narežite uštipke oštrim nožem u dvije polovine te nafilujte kremom.

Rastopite čokoladu na pari i dodajte joj kisjelo mliejko te time prelijte nadjevene uštipke.

Ukrasite ih listićima badema.