Video
Na današnjem suđenju Vladimiru Ulami zbog ubistva Petrovčanina Nemanje Medina 8. jula 2016. godine, saslušani su svjedoci koji su prisustvavali svađi između optuženog i pritvorenika Ilije Pavlovića u prostoriji za posjete u ZIKS-u maja ove godine. Svjedoci Igor Kovačević i Alen Biorac bili su izričiti da se tom prilikom nijesu čule prijetnje niti bilo kakve riječi od optuženog Ulame upućene Pavloviću.
Preporučeno
Naime, Pavlovića je u svojstvu svjedoka ranije pred sudom tvrdio da mu je optuženi Ulama kritičnom prilikom kazao “platićete mi i ti i brat kao što mi je Medin platio”.
Svjedok Kovačević, koji je bio u istrazi u to vrijeme, je kazao da je čuo galamu prilikom navedenog konflikta, ali da nije bilo prijetnji.
“Uopšte nije bilo nikakvih prijetnji, ne sigurno, 100 odsto nijesu izgovorene nikakve riječi jer sam ja tu bio”, naveo je Kovačević, dodavši da mu se Pavlović nakon incidenta obratio riječima “prenesi mu da će da mi plati”.
Svjedok Biorac je imao sličnu verziju događaja. Kazao je da Ulama ostavio kesu pored njega, a zatim udario Pavlovića par puta.
“Došao je komandir koji je sjedio na stolici sa strane i razdvojio ih. Nakon što je komandir izveo Ulamu iz prostorije taj drugi momak je rekao ‘j***** ti mater’, a tokom kontakta ni jedan ni drugi nijesu izgovorili bilo kakve riječi”, naveo je svjedok Biorac.
