
Fudbaleri Pari Sen Žermena pobijedili su Tuluz u meču 14. kola francuske Lige 1 sa 1:0.
PSŽ je u ovom meču igrao oslabljen za dvojicu najboljih igrača Kilijana Mbapea i Brazilca Nejmara.
Njih dvojica su se povrijedila iste večeri tokom reprezentativnih nastupa. Nejmar je povrijedio mišić na meču Brazila i Kameruna, a Mbape rame u okršaju Francuske i Urugvaja.
U njihovom odsustvu, uz Edinsona Kavanija su bili Anhel Di Marija i Julijan Draksler u ofanzivi, a Kavani je riješio pitanje pobjednika.
Adrijen Rabio je u devetom minutu u kaznenom prostoru dobio vazdušni duel sa dvojicom igrača Tuluza, dodao je glavom Kavaniju. Edinson je sjajno prevario Gradela prije nego što je zakucao loptu u mrežu.
Preporučeno
PSŽ je novom pobjedom osvojio i 42. bod ove sezone i ima 15 više od drugoplasiranog Liona. Tuluz je 15. na tabeli sa 14 bodova.












