Video
Kina je poklonila zoološkom vrtu u Tajpeju par pandi Tuana Tuana i Juan Juan 2008. godine u vrijeme otopljavanja odnosa Kine i Tajvana, ostrva sa samoupravom koje Kina smatra svojom teritorijom.
Nije odmah dat uzrok smrti Tuana Tuana ali raniji izvještaji su naveli da se vjerovalo da panda ima zloćudni tumor mozga, zbog čega je Kina ranije ovog mjeseca pomagala sa liječenjem životinje.
Tuan Tuan nije reagovao posle niza moždanih udara danas i stavljen je u indukovanu komu, prema medijskim izveštajima iz Tajvana, a prema navodima zoo vrta “srce je prestalo da mu kuca” oko 13 sati po lokalnom vremenu.
Par pandi je imao dva mladunčeta u Tajvanu.
Prosječan životni vijek panda u divljini je od 15 do 20 godina a mogu da žive 30 godina i duže kada su pod njegom ljudi.
Veze Pekinga i Tajpeja znatno su se pogoršale u godinama od dolaska para pandi, a Kina je prekinula veze 2016. posle izbora predsjednice Tsai Ing-ven koja naginje ka nezavisnosti ostrva. Ona je ponovo izabrana 2020. godine.
Kina šalje pande u inostranstvo u znaku dobre volje ali zadržava vlasništvo nad životinjama i nad njihovim mladuncima. Kao nezvanična nacionalna maskota životinje potiču iz jugozapadne Kine i rijetko se razmnožavaju a hrane se gotovo isključivo bambusom.
Preporučeno
Procjenjuje se da oko 1.800 pandi živi u divljini i još oko 500 u zoološkim vrtovima i rezervatima uglavnom u Sečuanu gde se smatraju zaštićenom vrstom ali su pod prijetnjom gubitka staništa.
