Video
Morski ježevi hrane se algama, ali mogu jesti i spora ili statična stvorenja. Njihovi mali, ali tvrdi oklopi prekriveni su primarnim i sekundarnim bodljama. Koriste svoje duge i oštre bodlje kao obrambeni štit od svojih najčešćih grabljivaca – jastoga, rakova, kalifornijskih ovčjih glava, jegulja i morskih vidri.
Veličina morskog ježa obično varira od 2,5 do 10 centimetara, ali veće vrste mogu da dostignu i do 35,5 centimetara. Iako nemaju sredstva za pogon, ježevi se slobodno kreću, ali samo do 50,8 centimetara dnevno, koristeći svoje fleksibilne noge potpomognute bodljama, piše Klik.
Zanimljivo je da neke vrste, poput cvjetnog ježa, imaju otrovne bodlje i mogu biti smrtonosne, a često se mogu pronaći u Tihom i Indijskom okeanu. Osobe sa alergijskim reakcijama na ugrize ili ubode bi trebalo da preduzmu dodatne mjere opreza i potraže ljekarsku pomoć odmah nakon uboda ježa.
Kako ukloniti bodlje?
Ježevi se mogu pronaći na bilo kojoj plaži ili obalskom području u svijetu, pa su uvek prijetnja bezbrižnim posjetiocima plaža, koji bosi šetaju obalom, ne razmišljajući o podvodnom svijetu i uživajući u moru.
Ubod morskog ježa uvijek je bolan, jer ošteti tkivo kože. Nakon uboda, povrijeđeno mjesto će nateći i postati upaljeno. Infekcija koju uzrokuje otrovni morski jež podstaći će nekoliko abnormalnih simptoma, uključujući vrtoglavicu, probleme sa disanjem, bol u grudima, promjene otkucaja srca, gubitak svjesti, mučninu i povraćanje. U najgorem slučaju, otrov može da uđe u krvotok i izazove smrt. Ali, na Jadranskom moru ova situacija je gotovo nemoguća.
Bez obzira na to, ako ste nagazili na ježa, ranu morate da liječite što je brže moguće.
Postupak uklanjanja bodlji
1. Uronite zahvaćeno područje na 30 do 90 minuta u vruću vodu ili sirće, kako biste omekšali ili otopili bodlje;
2. Upotrebite pincetu da uklonite sve bodlje zaglavljene u stopalu, ruci ili tijelu;
3. Povrjeđeno mjesto namažite kremom za brijanje i struganjem brijačem uklonite pedicelariju, odnosno modifikovane bodlje;
4. Oribajte ranu sapunom i vodom;
5. Isperite ranu svježom vodom.
Ako primjetite znakove infekcije, kao što su crvenilo, gnoj ili užareno područje tijela koje ste povrijedili, kontaktirajte ljekara.
Takođe, ako su bodlje ušle u koštano tkivo, može biti potrebno hirurško uklanjanje. Bol možete da ublažite ibuprofenom (svakih šest sati) ili acetaminofenom za ublažavanje bolova (svaka četiri sata).
Preporučeno
Ubodi morskog ježa mogu se izbjeći, potrebno je samo pažljivo gledati oko sebe, posebno na djelovima plaže koji su puni stijena ili na plažama koje se odlikuju čistim morem.
