Sastojci:

– 400 g špageta

– 4 čena bijelog luka

– šaka svježeg peršuna

– 2 svježe ljute papričice (peperoncino) ili 1 kašičica suve papričice

– 6 kašika maslinovog ulja

– so

– parmezan ili pekorino

Priprema:

Bijeli luk isjecite na tanke listiće, a peršun sitno nasjeckajte. Ako koristite svježe papričice takođe ih nasjeckajte na tanke tračice.

U dubokom loncu sa puno vode skuvajte špagete, tako da ne budu prekuvane, već “al dente”.

U dubljem tiganju zagrijte maslinovo ulje na umjerenoj temperaturi.

Dodajte bijeli luk i ljutu papričicu pa pržite par minuta. Miješajte da bijeli luk ne bi izgoreo. 

Kada bijeli luk bude karamelizovan, dodajte kutlaču vode u kojoj su se kuvale špagete i dobro promiješajte.

Ocijedite špagete i stavite ih u tiganj.

Nakon toga dodajte sjeckani peršun i posle minut do dva skinite sa šporeta.

Preko špageta narendajte parmezan ili pekorino.

Prijatno!