URA donirala novac hrvatskom Crvenom križu: Znak solidarnosti prema žrtvama zemljotresa

,,Iako se radi o simboličnoj donaciji, željeli smo da, barem na neki način, porodicama stradalih u zemljotresu koji je zadesio Petrinju, kao i svim stanovnicima Hrvatske, pokažemo da smo uz njih u ovim teškim danima. Pamtimo zemljotres koji je 1979. razorio crnogorsko primorje, ali i višegodišnju kontinuiranu pomoć svih naroda tadašnje Jugoslavije, među kojima su i Hrvati, bez koje bi oporavak Crne Gore sigurno mnogo duže trajao”, navode iz URE.

Kako su još istakli iz te partije, susjedima žele da iz nesreće koja ih je pogodila izađu još snažniji. ,,U ime Građanskog pokreta URA porodicama stradalih u zemljotresu, kao i svim stanovnicima Petrinja, upućujemo najiskrenije saučešće. Crna Gora je uz vas i nadamo se da će vam pružena ruka komšija olakšati i pomoći da prebrodite ove teške momente”, zaključuju iz URE.