Video
On je, kako prenosi Nova S, rekao da je čestitao pobjedniku Jakovu Milatoviću “zvanično, jer su mu svi akteri na političkoj sceni i prije konačnog proglašenja već čestitali na pobjedi”.
– Izrazio sam nadu da će naši odnosi biti bolji i da ćemo zajednički raditi na napretku u tim odnosima – rekao je Vučić.
Naveo je i da je danas razmijenio i poruke sa Milatovićem.
– Vjerujem da ćemo, kad se to sve ozvaniči tamo u maju i kad prođe inauguracija, da će jedno od prvih mjesta koje će posjetiti biti Beograd. Što se tiče ovoga ko je pobijedio ili ko je izgubio, kad ljudi traže razlog u nečemu što se zbiva ili daleko od njih ili negdje drugdje, a jedino što mogu da ponude je da će se to njima dogoditi, da će s neba nešto da padne, ja takvim ljudima ne mogu da govorim ništa. S druge strane, ja ne mogu da se kandidujem više, a kao što sam vam rekao i obećao, oni me nikad neće pobijediti, jer znam koliko su neozbiljni i neodgovorni, tako da ne znam koga bi mogli da pobijede i kada. Ali to govori. To kada vam mozak pomrači, ne alkohol, droga ili ne znam šta, već nešto mnogo teže od svega toga, a to je patološka mržnja. Kad više ne možete da razmišljate – naveo je Vučić.
Dodaje “da oni imaju malo političke pameti, sve bi napadali, bježali bi od napada” na njega.
– To bi im bilo pametno, to bi im svaki pametan istraživač mnjenja rekao, ma koliko ih to sjekiralo i nerviralo. Jer to kada mene napadaju to se odbija kao o beton i samo meni donosi, a njima oduzima – smatra Vučić.
Ocijenio je i da je „nevjerovatno da neki to ne mogu da pročitaju već 10 godina“.
Preporučeno
– Ali to govori da nije u pitanju bilo šta drugo osim što je riječ nedostatku racionalnosti, intelekta, ali i marljivosti. Što se tiče svih izjava i uvreda, ja nemam problem s tim – kazao je Vučić.
