Video
Sve je počelo prije godinu i po, u mjestu Okolišta, nadomak Grahova.
U zapušteno imanje i ruiniranu kuća Holanđanka Riana Hotinga zaljubila se na prvi pogled. Imanje koje je sa porodicom našla lutajući Crnom Gorom odlučila je da kupi i oživi, a mi nakon skoro godinu od prvog kontakta konačno dočekali da se sretnemo.
“Sve je izazov. Nema ni struje, ni vode. Puno je zmija, divljih svinja. Sve je izazov, ali nama se sviđa. Prelijepo je. Slučajno smo se ovdje našli, i zaljubili se u ovo mjesto. Ne mogu da zamislim nešto bolje od toga”, priča Riana.
Uz manje zastoje Riana, koja sa suprugom Gerbenom i djecom zasad uglavnom živi u Tivtu, na svom brodu, imanje polako pretvara u dom u kome planiraju da žive tokom cijele godine. Ideja je da kao nekad, žive od onog što proizvedu na svom imanju, pa su proljetos formirali i baštu i mali rasadnik.
“Definitvno nije lako, ovo je prva godina da uzgajam hranu. Zaista želim da svojim rukama uzgajam pravu organsku hranu za porodicu, a planinski dio Crne Gore je prellijepo mjesto da to ostvarim”, kaže Riana.
Vrata svog imanja namjeravaju da otvore i posjetiocima. Kada vizija koju ima bude zaokružena, ovdje su dobrodšli svi koji žele da uživaju u sve popularnijem glampingu.
“Za sada pravimo ova prelijepa glamping mjesta gdje ljudi mogu da borave, a pravimo i mjesto gdje ćemo mi da živimo”, kaža ova Holanđanka.
Nije se samo kaže zaljubila u mjesto, već i mještane, njihovu ljubaznost i običaje gdje se ljudi posjećuju, druže i drže jedni drugih.
“Kada dođu ljudi da nas pozdrave donesu nam poklone. Ako imamo bilo kakvih problema odmah nam pomognu. Zapravo, ovdje smo upoznali samo nevjerovatno gostoprimive i ljubazne ljude”, priča Riana.
Preporučeno
Zamjera nam, ipak, jedno. Otpada je previše, za kako kaže, ovako malu i čarobnu zemlju.
“Voljela bih da malo više računa povedete o vašem otpadu, kako bi priroda ostala ovako lijepa. Što se ostalog tiče, svi ste dobrodošli i hvala vam što ste nas kao strance, kao turistie koji ne govore vaš jezik, prihvatili kao svoje”, zaključuje Riana.
