Video
Za ovaj predlog, kako se može vidjeti na fotografiji koju je objavila Pejović, glasala je 55 poslanika.
Pejović je istakla da pitanje menstrualnog odsustva nije samo pitanje radnih prava, već prije svega pitanje zdravlja i života žena.
“Tek svaka treća žena na vrijeme otkrije rak grlića materice. Ostale dvije saznaju kada je prekasno. A ipak, kada govorimo o ženskom zdravlju, i dalje slušamo ismijavanje i ogavne komentare koji žene tjeraju da ćute, da se stide i da odlažu preglede”, navela je Pejović u objavi na Facebook-u.
Prema njenim riječima, usvajanje zakona poslalo bi jasnu poruku da bolest ne smije biti predmet ismijavanja, već ozbiljan društveni problem kojem treba pristupiti odgovorno.
“Glasanjem za ovaj zakon poručujemo: bolest nije za sprdnju. Motivišemo žene da idu na preglede. Vraćamo dostojanstvo onima koje godinama u tišini trpe bol i posljedice”, poručila je Pejović.
Preporučeno
Ona je naglasila da smrt od raka grlića materice “ne smije biti sudbina”, već da odgovornost leži i na donosiocima odluka koji će se izjasniti o ovom predlogu zakona.
